التخطي إلى المحتوى
دوري بمسلسل إلا أنا وجعني وتجربتي في الاختيار هفتخر بيها طول عمري

تحدثت الفنانة ليلى عز لعرب عن مشاهدها في مسلسل الاختيار، كما كشف كواليس مسلسل إلا أنا، وعن دورها في مسلسل الكبير أوي بأجزائه الستة.

تحيا مصر يرصد لكم تصريحات الفنانة ليلى عز العرب

وقالت ليلى خلال استضافتها في برنامج مساء دي أم سي: كانت اسعد لحظات حياتي لما اختروني في الاختيار وقولت لبيتر ميمي حتى لو هطلع صامته واعمل باي للكاميرا عادي.

وتابعت:مسلسل الاختيار عمل فوق الممتاز واحنا ذاكرة السمكة والاختيار للاجيال الصغيرة اللي محضرتش ده خالص والاختيار حاجه افخر بيها طول العمر.

ليلى عز العرب: مسلسل الكبير هيبقى من كلاسكيات الدراما المصرية

وأضافت: الكبير مسلسل متكامل وهيبقى من كلاسكيات الدراما المصرية وهبقى في الجزء الجديد من المسلسل.

واستكملت: انا بحب الكوميدي اول وفكرة الندب والهم مش لطيف وانا مش بطيق حالات الاكتئاب ولا الندب والبكاء على اللبن المسكوب اللي حصل حصل ولازم نصلح.

وتحدثت ليلى عن دورها في مسلسل إلا أنا، حيث كشفت أنها مرت بنفس التجربة مع صديقتها المقربة وقالت: دوري في الا أنا من الأدوار اللي بحبها جدا والشغل مع ميرفت رائع هي ست جميلة برا وجوا.

ليلى عز العرب: دوري في مسلسل إلا أنا وجعني

وأضافت: الدور وجعني لان صديقتي المفضلة اتوفت بالسرطان وشوفتها في مراحل عذابها وكان هدية لصاحبتي اني أوري الناس ان الواحد لما يبقى قريب كل حاجه بتتغير.

وكشفت ليلى عز العرب أنها قامت بعدة أدوار كانت غير قريبة من شخصيتها في الحقيقة وقالت: دوري فوق مستوى الشبهات كان مخالف لطبيعتي وليالي اوجيني والا انا دي ادوار مش قريبة مني في الحقيقة.

وأضافت: من نعمة ربنا عليا اني مش عبقرية تمثيل انا ملابس الشخصية هي اللي بتلبسهاني والصدق هو اللي بيعمل كده.

وتابعت: المخرج الشاطر اللي يهتم بالممثل وينبهوا هو عايز يطلع منه ايه، و هاني خليفة دايما يقول لازم اصدقك وتعصري نفسك عشان تلبسي الشخصية عشان الناس تصدق.

ليلى عز العرب: لو عمري أنتهى هيبقى في حاجة فاضلة مني

وقالت ليلى عز العرب: بشوف الدراما والسينما واعمالي حاجه حلوة  عشان لو عمري انتهى هيبقى في حاجه فاضلة مني في الدنيا وتاني حاجه بحبها هي محبة الناس ودي ربنا يديمها عليا نعمة.

Source link

كما تَجْدَرُ الأشاراة بأن الخبر الأصلي قد تم نشرة ومتواجد على المصدر اعلاه وقد قام فريق التحرير في كل المصادر بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر من مصدره الاساسي.

التعليقات